koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kyuuñ darein zindagi men kya hogaa kuchh na hogaa to tajurba hogaa

kisi gali men kiraye pe ghar liya usne phir us gali men gharo ke kiraye badhne lage

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

vo mujhe le gaya gulon ke beech aur kehne laga ki aisa ban

tasavvur ne banaya ek saaya phir asli dhoop se usne bachaaya tujhe ik khwaab kii maanind samjha tujhe din bhar jiya shab bhar sajaaya

pahle to is hijr ne jam kar baarish kii phir baarish men mor nachaaya yaadon ne

mehsoos kar raha hooñ teraa shumaar KHud men so jhaankne laga hooñ main baar-baar KHud men teri chamak se raushan har rahguzar hogaa itnaa to mere jugnoo rakh aitbaar KHud men

aadhi raat guzarne ko hai kamra khwaab se bharne ko hai