tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

kuchh is tarah se yaad aate rahe ho ki ab bhool jaane ko jee chahta hai

mujhe hai aitibaar-e-waada lekin tumhein KHud e'tibaar aa.e na aa.e

palat si gaii hai zamaane ki kaaya naya saal aaya naya saal aaya

maana ki sab ke saamne milne se hai hijaab lekin vo KHvaab men bhi na aayen to kya karen

mit chale meri umeedon ki tarah harf magar aaj tak tere khatoon se tiri KHushboo na gaii