aur bhi dukh hain zamaane men mohabbat ke siva raahatein aur bhi hain vasl ki raahat ke siva

ye kehna tha un se mohabbat hai mujh ko ye kehne men mujh ko zamaane lage hain

us..ko fursat nahin milti ki palat kar dekhe ham hi deewane hain deewane bane rahte hain

tu bhi kab mere mutaabik mujhe dukh de paaya kis ne bharna tha ye paimaana agar khaali tha ek dukh ye ki tu milne nahin aaya mujhse ek dukh ye hai us din meraa ghar khaali tha

hazaaron saal nargis apni be-noori pe roti hai badi mushkil se hota hai chaman men deeda-war paida

kuchh is tarah se yaad aate rahe ho ki ab bhool jaane ko jee chahta hai

inheen gham ki ghataon se khushi ka chaand niklega andheri raat ke parde men din ki raushni bhi hai

mit chale meri umeedon ki tarah harf magar aaj tak tere khatoon se tiri KHushboo na gaii

kuchh to tanhaaii ki raaton men sahaara hota tum na hote na sahi zikr tumhaara hota

din raat may-kade men guzarti thii zindagi akhtar vo be-khu dii ke zamaane kidhar ga.e