hazaaron saal nargis apni be-noori pe roti hai badi mushkil se hota hai chaman men deeda-war paida

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kitne aish se rahte honge kitne itraate honge jaane kaise log vo honge jo us ko bhaate honge

mujhe hai aitibaar-e-waada lekin tumhein KHud e'tibaar aa.e na aa.e

kuchh is tarah se yaad aate rahe ho ki ab bhool jaane ko jee chahta hai

aarzoo vasl ki rakhti hai pareshaan kya kya kya bataaun ki mere dil men hai armaan kya kya

maana ki sab ke saamne milne se hai hijaab lekin vo KHvaab men bhi na aayen to kya karen

gham-e-zamaana ne majboor kar diya warna ye aarzoo thii ki bas teri aarzoo karte