koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye batao ishq ka ye falsafa kya hai dooriyaan jab mit gaii to ab bacha kya hai

main ghamon kii dhoop men jal gaya to pata chala mujhe chaanv ka vo to door rah ke bhi paas tha mujhe faaslon ka gumaan raha

kinaara kar li.e vo ishq kii lat daalkar hamko ki aadat ban gaii har bewafa se aashiqi kii ab

sayyaad mira karne laga mujhse gilaa ye is qaid-e-mohabbat se ravaani hi nahin hai

naqli aañsu jhoothi qasmen sab parde hain nazaakat ke bas bazaar lage hain jazbon ke saude hain sharaafat ke khud-gharzi ke hain alfaaz mohabbat ke afsaane men phir bhi laate hain chehre par jhoothe rang inaayat ke