tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

makaan hai qabr jise log KHud banaate hain main apne ghar men hooñ ya main kisi mazaar men hooñ

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

shahar ka tabdeel hona shaad rahna aur udaas raunqen jitni yahaañ hain auraton ke dam se hain

aa gaii yaad shaam dhalti hi bujh gaya dil charaaghh jalte hi