main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

nigaahen fer li ghabra ke maine vo tum se khoobsurat lag rahi thii

tumne to hukm-e-tark-e-tamanna suna diya kis dil se aah tark-e-tamanna kare koii

chhup ga.e vo saaz-e-hasti chhed kar ab to bas awaaz hi awaaz hai

kuchh tumhaari nigaah kaafir thii kuchh mujhe bhi KHaraab hona tha

ye qatl-e-aam aur be-izn qatl-e-aam kya kahiye ye bismil kaise bismil hain jinhen qaateel nahin milta vahaañ kitnon ko takht o taaj ka armaan hai kya kahiye jahaan sail ko akshar kaasa-e-saail nahin milta

sadaa dii tu ne kya jaane kahaan se magar main jaanib-e-dil dekhta hooñ