koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dekho ham koi wahshi nahin deewane hain tumse button khulwane nahin lagwane hain

kya khabar kaun tha vo aur meraa kya lagta tha jisse milkar mujhe har shaKHs bura lagta tha

shaakhon se toot jaayen vo patte nahin hain ham aandhi se koi kah de ki auqaat men rahe

kisi ko ghar se nikalte hi mil gaii manzil koi hamaari tarah umr bhar safar men raha

holi ke ab bahaane chhidka hai rang kis ne naam-e-khuda tujh u uupar is aan ajab samaan hai

jee uthoon phir kar agar tu ek bosa de mujhe choosna lab ka tire hai mujh ko jun aab-e-hayaat

muhayya sab hai ab asbaab-e-holi utho yaaro bharo rangon se jholi