use kisi se mohabbat thii aur vo main nahin tha ye baat mujhse zyaada use rulaati thii

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

le de ke apne paas faqat ik nazar to hai kyun dekhen zindagi ko kisi ki nazar se ham

bas ye diqqat hai bhulaane men use uske badle men kis ko yaad karen

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

kuchh is ke sanwar jaane ki tadbeer nahin hai duniya hai tiri zulf-e-girah-geer nahin hai

us se badh kar kiya milega aur inaam-e-junoon ab to vo bhi kah rahe hain apna deewaana mujhe

har haqeeqat hai ek husn hafiz aur har husn ik haqeeqat hai

aasaan nahin marhala-e-tark-e-wafa bhi muddat hui ham is ko bhulaane men lage hain

us dushman-e-wafa ko dua de raha hooñ main meraa na ho sakaa vo kisi ka to ho gaya