ujaale apni yaadon ke hamaare saath rahne dona jaane kis gali men zindagi ki shaam ho jaa.e

apne chehre se jo zaahir hai chhupaayen kaise teri marzi ke mutaabiq nazar aayen kaise

titli se dosti na gulaabon ka shauq hai meri tarah use bhi kitaabon ka shauq hai

chal gaya hogaa pata ye aapko be-vafa kahte hain ladke aapko ik zaraa se husn par itni akad tu samjhti kya hai apne aapko

vo kisi ke saath KHush tha kitne dukh ki baat thii ab mere pahluu men aa kar ro raha hai KHush hooñ main

tu kis ke kamre men thii main tere kamre men tha

mujhe pasand nahin aise kaarobaar men hooñ ye jabr hai ki main KHud apne ikhtiyaar men hooñ

dariyaa ke kinaare pe mirii laash padi thii aur paani ki tah men vo mujhe dhundh raha tha

kis tarah jama keejie ab apne aap ko kaaghaz bikhar rahe hain puraani kitaab ke

KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii