maana ki teri deed ke qaabil nahin hooñ main tu miraa shauq dekh miraa intizaar dekh

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

gulaab KHvaab davaa zahar jaam kya kya hai main aa gaya hooñ bataa intizaam kya kya hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

le de ke apne paas faqat ik nazar to hai kyun dekhen zindagi ko kisi ki nazar se ham

sehar ki aas lagaaye hue hain vo ki jinhen kamaan ae shab se chale teer ki khabar bhi nahin

ye jo duniya hai ise itni ijaazat kab hai ham pe apni hi kisi baat ka ghussa utara

ye aag vaag ka dariyaa to khel tha hamko jo sach kahein to badaa imtihaan aañsu hain

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

paa e ummeed pa rakhe hue sar hain ham log hain na hone ke barabar hi magar hain ham log tu ne barta hi nahin theek se ham ko ai dost aib lagte hain bazaahir pa hunar hain ham log