log sunkar waah-waahi karte hain har baar hi roz hi rota hooñ ab to main kisi sur-taal men

kabhi to chaunk ke dekhe koi hamaari taraf kisi ki aankh men ham ko bhi intizaar dikhe

main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin

khabaab aankhoñ men band kar lete baat gar dil ki chand kar lete aap bhi ho hi jaate deewane gar kisi ko pasand kar lete

ik roz khel khel men ham us ke ho ga.e aur phir tamaam umr kisi ke nahin hue

ye sadma jeete jee dil se hamaare ja nahin saktaa unhen vo bhule baithe hain jo un par marne waale hain

tamaam umr isi ranj men tamaam hui kabhi ye tumne na poocha teri khushi kya hai

rok le ai zabt jo aañsu ki chashm-e-tar men hai kuchh nahin bigda abhii tak ghar kii daulat ghar men hai

mujhe khabar nahin gham kya hai aur khushi kya hai ye zindagi ki hai soorat to zindagi kya hai

kisi maashooq ka 'aashiq se KHafaa ho jaana rooh ka jism se goya hai juda ho jaana