kisi gali men kiraye pe ghar liya usne phir us gali men gharo ke kiraye badhne lage

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamaara dil to hamesha se ik jagah par hai tumhaara dard hi rastaa bhatk gaya hogaa

unche neeche ghar the bastii men bahut zalzale ne sab barabar kar diye

aaina kab banaoge mujh ko mujh se kis din milaoge mujh ko

jahaan tak aake tum waapas ga.e ho vahaañ ab tak koi pahuncha nahin hai

is zamaane ko zamaane kii ada aati hai aur ik ham hai ha men sirf wafa aati hai