koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

uspe ham cheekh hi nahin sakte uski chuppi kamaal karti hai

ummeedon ka marna yaanii mar jaane ki taiyaari hai

zaraa si der uthne men hui kya lage sab paanv dakshin or karne

jaden kaise jamaani hai naye ko seekhne khaatir bageeche men purane ped ka hona zaroori hai

sab vidaai ke waqt rote hain soch us waqt hañs raha tha main