ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

tere lagaye hue zakhm kyun nahin bharte mere lagaye hue ped sookh jaate hain

log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

padi rahne do insaano ki laashen zameen ka bojh halka kyun karen ham

yaad hai aanis pahle tum KHud bikhre the aaiine ne tum se bikhrna seekha tha

bikhar ke phool fazaaon men baas chhod gaya tamaam rang yahiin aas-paas chhod gaya

utaara dil ke varq par to kitna pachtaaya vo intisaab jo pahle bas ik kitaab pe tha

ajab andaaz se ye ghar giraa hai mira malba mire u uupar giraa hai

gahri sochen lambe din aur chhoti raatein vaqt se pahle dhoop saroon pe aa pahunchee