koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

main bikhar gaya to sanwar gaya mere munsifo ko ye dukh raha vahii faisla mere haq men tha jo mere KHilaaf kiya gaya

ye mujhe neend men chalne ki jo beemaarii hai mujh ko ik khwaab-sara apni taraf kheenchti hai

itnaa masroof hooñ jeene ki havas men shaahid saans lene ki bhi furqat nahin hoti mujh ko

vo na-samajh mujhe patthar samajh ke chhod gaya vo chahta to sitaare taraashta mujh se

kisi ne kaha tha tooti hui naav men chalo dariyaa ke saath aap ki ranjish fuzool hai