shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

vo na-samajh mujhe patthar samajh ke chhod gaya vo chahta to sitaare taraashta mujh se

main to KHud bikne ko bazaar men aaya hua hooñ aur dukaan-daar khareedaar samjhte hain mujhe

ho na ho ek hi tasveer ke do pahluu hain raqs karta hua tu aag men jalta hua main

main bikhar gaya to sanwar gaya mere munsifo ko ye dukh raha vahii faisla mere haq men tha jo mere KHilaaf kiya gaya

us ek khat ne sukhnavar banaa diya mujh ko vo ek khat ki jo likkha nahin gaya mujh se