uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

main chahta hooñ mohabbat meraa vo haal kare ki KHvaab men bhi dobara kabhi majaal na ho

meri tanhaaii dekhenge to hairat hi karenge log mohabbat chhod denge ya mohabbat hi karenge log

main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

aaj to dil ke dard par hañs kar dard ka dil dukha diya main ne

kis darja dilshikan the mohabbat ke haadse ham zindagi men phir koii armaan na kar sake

faqeer-e-shahr ke tan par libaas baaki hai ameer-e-shahr ke armaan abhii kahaan nikle

bas ab to daaman-e-dil chhod do bekar umeedo bahut dukh sah li.e maine bahut din jee liya maine

dulhan banii hui hain raahen jashn manao saal-e-nau ke

naala hooñ main bedaari-e-ehsaas ke haathon duniya mire afkaar ki duniya nahin hoti