shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamaare baad tere ishq men naye ladke badan to choomenge zulfen nahin sanvaarenge

sochun to saari umr mohabbat men kat gaii dekhooñ to ek shaKHs bhi meraa nahin hua

rekhta haath men zameen bhi nahin baat karte ho aasmaanon ki

mere sukhun se latife taraashe logon ne ki zahar bhi to hañsi men ugal rahe hain log isee men rekhta ab KHair hai ki khaar bano vo dekho phoolon ko kaise masal rahe hain log

is bharii kaaynaat men ya rab apne rahne ko ek ghar bhi nahin ped ke neeche jo guzar jaa.e zindagi itni mukhtasar bhi nahin

mehfil men kaun aaya hai saaghar li.e hue ik khaas kaifiyat ka samandar li.e hue

hazaaron aandhiyaan toofaan aa.e aur ga.e yaaro charaag-e-rekhta madhham sahi par ab bhi jalta hai