main chahta hooñ mohabbat meraa vo haal kare ki KHvaab men bhi dobara kabhi majaal na ho

dhoop men niklo ghataon men naha kar dekho zindagi kya hai kitaabon ko hata kar dekho

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

tum se haasil hua ik gehre samundar ka sukoot aur har mauj se ladna bhi tumhiin se seekha

khataayein dono kii yaksaan thii par ta'ajjub hai kisi ko daad mili aur kisi ko ruswaai

ab bhi kuchh log sunaate hain sunaaye hue she'r baatein ab bhi tiri zehnon men basi lagti hain

chhoti si baat pe KHush hona mujhe aata tha par badi baat pe chup rahna tumhi se seekha

har fikr kii apni manzil thii har soch ka apna rastaa tha