main kya kahooñ ke mujhe sabr kyun nahin aata main kya karoon ke tujhe dekhne ki aadat hai

tumhaare naam ki har ladki se mila hooñ main tumhaara naam faqat tum pe achha lagta hai

nigaahen fer li ghabra ke maine vo tum se khoobsurat lag rahi thii

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

kitaab-e-ishq men har aah ek aayat hai par aañsuon ko huroof-e-muqattia'at samajh

pata tha us se bichhadte hi dost gherenge vahii hua mujhe ranj-o-alam ne gher liya

nazar men rakhna kahii koi gham shanaas gaahak mujhe sukhun bechna hai kharcha nikaalna hai

main kis se poochoon ye rastaa durust hai ki galat jahaan se koi guzarta nahin vahaañ hooñ main

shab basar karne hai mahfooz thikaana hai koii koii jungle hai yahaañ paas men sehra hai koii