shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

sochun to saari umr mohabbat men kat gaii dekhooñ to ek shaKHs bhi meraa nahin hua

bichhad jaayenge ham dono zameen par ye us ne aasmaañ par likh diya hai

jahaan waalon se kah do yahaañ se hat jaayen KHuda ke aur mere darmiyaañ se hat jaayen

main sang-e-meel tha to ye karna pada mujhe ta-umr raaste men theharna pada mujhe

vo ek shaKHs jo dikhne men theek-thaak sa tha bichhad raha tha to lagne laga haseen bahut

dasht jaisi ujaad hain aañkhen in dareechon se KHvaab kya jhaanken