koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

sochun to saari umr mohabbat men kat gaii dekhooñ to ek shaKHs bhi meraa nahin hua

main chhup raha hooñ ki jaane kis dam utaar dale libaas mujh ko

nabeel is ishq men tum jeet bhi jaao to kya hogaa ye aisi jeet hai pahluu men jis ke haar chalti hai

tamaam shahar ko tareekiyo se shikwa hai magar charaaghh ki bai'at se khauf aata hai

nabeel aisa karo tum bhi bhool jaao use vo shaKHs apni har ik baat se mukar chuka hai

ye lutf mujh par kislie ehsaan ka kya faayda ab vaqt saara kat chuka achha-bura thoda-bahut