koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

maana ki teri deed ke qaabil nahin hooñ main tu miraa shauq dekh miraa intizaar dekh

use kisi se mohabbat thii aur vo main nahin tha ye baat mujhse zyaada use rulaati thii

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

pata tha us se bichhadte hi dost gherenge vahii hua mujhe ranj-o-alam ne gher liya

nazar men rakhna kahii koi gham shanaas gaahak mujhe sukhun bechna hai kharcha nikaalna hai

shab basar karne hai mahfooz thikaana hai koii koii jungle hai yahaañ paas men sehra hai koii

kitaab-e-ishq men har aah ek aayat hai par aañsuon ko huroof-e-muqattia'at samajh

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin