sabhi ka KHoon hai shaamil yahaañ ki miTTi men kisi ke baap ka hindustan thodii hai

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

tumhaare naam ki har ladki se mila hooñ main tumhaara naam faqat tum pe achha lagta hai

tujh se to dil ke paas mulaqaat ho gaii main KHud ko dhoondhne ke li.e dar-b-dar gaya

mat pooch ki ham zabt kii kis raah se guzare ye dekh ki tujh par koii ilzaam na aaya

mirii rooh kii haqeeqat mire aañsuon se poochho mira majlisi tabassum mira tarjumaan nahin hai

titliyan udti hain aur un ko pakadne waale saii-e-naakaam men apnon se bichhad jaate hain

ham anjuman men sab kii taraf dekhte rahe apni tarah se koii akela nahin mila