tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

tu bujha kar rakh gaya tha jabse is dil ke charaaghh hamne is ghar men nahin ki roshnai aaj tak

hont jo kahte hai sab kuchh jhooth hai aankh sach kahti hai uski baat sun

ham log choonki dasht ke pale hue hain so khaabo men chahe jheel hon aankhoñ men ped hain

tamaam mas'ale uthaaye phir rahe hain ham isi li.e bhi chalte chalte thak ga.e hain ham the kitne kam-naseeb ham ki raabta na tha hain kitne khushnaseeb tujh ko choo rahe hain ham

ghazal poori na ho chahe magar itni si KHvaahish hai mujhe ik she'r kehna hai tere rukhsaar ki khaatir