ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

kitaaben band karke jab main bistar par pahunchta hooñ tumhaari yaad bhi aakar bagal men late jaati hai

tumhaare paanv qasam se bahut hi pyaare hain KHuda kare mere bacchon ki in men jannat ho

kuchh is tarah se yaad aate rahe ho ki ab bhool jaane ko jee chahta hai

mit chale meri umeedon ki tarah harf magar aaj tak tere khatoon se tiri KHushboo na gaii

kuchh to tanhaaii ki raaton men sahaara hota tum na hote na sahi zikr tumhaara hota

din raat may-kade men guzarti thii zindagi akhtar vo be-khu dii ke zamaane kidhar ga.e

mujhe hai aitibaar-e-waada lekin tumhein KHud e'tibaar aa.e na aa.e