tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

paron ko khol zamaana udaan dekhta hai zameen pe baith ke kya aasmaan dekhta hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

zindagi ik khoobsurat haadisa hai shakl miTTi ki ghadi bahti hawa hai aansuon se tum sadaa do aayega vo haal-e-dil vo jaanta hai vo KHuda hai

vahaañ muskuraati hui dhoop hai jahaan raushni ham bichaate ga.e

zindagi har sabq saleeqe se jaate jaate sikhaate jaati hai

shaad-o-aabaad rahe safha har ik dil ka raaj in kitaabon se gulaabon kii mahak aati hai

tum ne bas dekha hai dilon ko sehra hote ham ne dekha hai aankhoñ ko dariyaa hote