tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

zindagi har sabq saleeqe se jaate jaate sikhaate jaati hai

ye burg-e-gul hain mausam-e-bahaar ke jo dil pe chaale pad ga.e hain pyaar ke

labon ko kuchh to naye saal qahqohe dena puraani aankhoñ ko kuchh khwaab ab naye dena

ye meraa zarf hai jo main tira hooñ aaj talak varna baithi hain bahut bas mirii ik haan ke li.e

khushboo phoolon se khafa baithi hai raaj vo gaya hai baag se kuchh is tarah