koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

dekho ham koi wahshi nahin deewane hain tumse button khulwane nahin lagwane hain

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

tod degi vo bharosa phir karunga main yaqeen KHair main to jaanta bhi hooñ ki duniya gol hai

she'r achha to nahin hai dost par tere chehre pe khushi to aa gaii

shayar hooñ pagli sabko ye hi kahtaa hooñ tere li.e hi to ye she'r kaha hai maine

ik matla ik taaza she'r suna lete hain bekaari hai to ab log mazaa lete hain she'r to kya tum yaar ghazal hi chura lo meri walid ka jootha to bacche kha lete hain

us ke hoton pe ghazal hoton se kahni hai bas tum to dua ye karo ke mukammal ho jaaye