tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

dekho ham koi wahshi nahin deewane hain tumse button khulwane nahin lagwane hain

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

vo apne KHoon se likhne lagii hai naam meraa ab is mazaak ko sanjeedgi se lena hai

abhii raushan hua jaata hai rastaa vo dekho ek aurat aa rahi hai

kuchh log hain jo jhel rahe hain museebatein kuchh log hain jo vaqt se pahle badal ga.e

siyaasat ke chehre pe raunaq nahin ye aurat hamesha ki beemaar hai

KHuda ka shukr ada kar vo be-vafa niklaa khushi manaa ki tiri jaan ki bahaali hui