shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

yuñ takht-gaah se rab ka tabaadla dekha isi bina pe farishton men fasla dekha

zulm ke qisse sunaaye jab kabhi tafseer se KHoon dheere se utar aaya mirii tasveer se main zameen se yuñ lipt kar ro nahin saktaa faqat aasmaañ ne baandh rakkha hai mujhe zanjeer se

ya nashe men ya dua men har zabaan khulti hai aaKHir sirf yazdaan aur saaqi raaz sabke jaante hai

ye ki meraa aasmaañ jo aa gaya nazar tumhein baarishen sikha rahi hain ik naya hunar tumhein

nazeel ishq ka anjaam dekhte hi to tire muhib ne gulaabon se haath kheeche hain