koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

use kaho jo bulaata hai gehre paani men kinaare se bandhi kashtii ka mas'ala samjhe

na bhi chamke to koii baat nahin tu to vaise hi sitaara hai mujhe

mujhe laga tha vo toote phoolon ka gham karega aur us ne taaza utha li.e hain kharaab rakh kar

main jaanta hooñ mujhe mujh se maangne waale paraai cheez ka jo log haal karte hain

vo jo ik shaKHs mujhe taana-e-jaan deta hai marne lagta hooñ to marne bhi kahaan deta hai teri sharton pe hi karna hai agar tujhko qubool ye sahoolat to mujhe saara jahaan deta hai