unke gesu khulen to yaar bane baat meri ik rabar band ne jakadi hui hai raat meri

titli se dosti na gulaabon ka shauq hai meri tarah use bhi kitaabon ka shauq hai

ek din ki khuraak hai meri aap ke hain jo poore saal ke dukh

vo meri peeth men khanjar zaroor utaarega magar nigaah milegi to kaise maarega

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaad-o-aabaad rahe safha har ik dil ka raaj in kitaabon se gulaabon kii mahak aati hai

murawwatan nadi kii ibtida thii kohsaar se jo aadatan samandaro men ja mili hai pyaar se

muskurata hua ye gulshan-e-aafaq mira yahaañ har shaam teri khushboo bikhar jaati hai

ye burg-e-gul hain mausam-e-bahaar ke jo dil pe chaale pad ga.e hain pyaar ke

muskurata hua ik chehra ha men yaad aaya sheesha dekha to koii apna ha men yaad aaya