kya khabar kaun tha vo aur meraa kya lagta tha jisse milkar mujhe har shaKHs bura lagta tha

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

vo afsaana jise anjaam tak laana na ho mumkin use ik KHoob-soorat mod de kar chhodna achha

shaayad mujhe kisi se mohabbat nahin hui lekin yaqeen sab ko dilaata raha hooñ main

zameen ke khushk patton ko hawaaein le udeen jo shaakhon se jude the vo hare bhare rahe

zameen bhi vahii hai vahii aasmaañ hai naye saal men kuchh naya sa kahaan hai

zindagi har sabq saleeqe se jaate jaate sikhaate jaati hai

zabaan dil ki yahaañ par kaun samjhe KHamoshii ko yahaañ sab maun samjhe

vahaañ muskuraati hui dhoop hai jahaan raushni ham bichaate ga.e