shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

sochun to saari umr mohabbat men kat gaii dekhooñ to ek shaKHs bhi meraa nahin hua

ai zamaane mujhe yuñ na badnaam kar ho sake to mujhe unke hi naam kar

wasiyyat men mili hai dushmani hamko yahaañ sahab nahin charche the kam warna hamaari dosti ke bhi

vo meraa aashiyaan yuñ saja ke gaya jal rahi har shama ko bujha ke gaya

khaas kuchh bhi nahin ab mere paas hai cheekhne ka KHamoshii men ehsaas hai

bahut gahra hooñ main bolo kahaan tak jaana chaahoge hai behtar ye kinaara kar lo warna doob jaaoge