agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

muddatein guzar gayi hisaab nahin kiyana jaane ab kiske kitne rah ga.e ham

dil na-umeed to nahin naakaam hi to hai lambi hai gham ki shaam magar shaam hi to hai

na karo bahs haar jaayogi husn itni badi daleel nahin

hazaaron saal nargis apni be-noori pe roti hai badi mushkil se hota hai chaman men deeda-war paida

lagta hai kaii raaton ka jaaga tha musavvir tasveer kii aankhoñ se thakan jhaank rahi hai

in ka uthna nahin hai hashr se kam ghar ki deewaar baap ka saaya

ye saal bhi udaasiyaan de kar chala gaya tum se mile baghair december chala gaya

kaii jawaabon se achchhii hai KHaamushi merina jaane kitne sawaalon kii aabroo rakhe

na hon ashaar men maani na sahi KHud kalaami ka zariya hi sahi tum na nawaazo she'r ko na sunaayenge ye meraa zaati nazariya hi sahi