sochun to saari umr mohabbat men kat gaii dekhooñ to ek shaKHs bhi meraa nahin hua

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kya khabar kaun tha vo aur meraa kya lagta tha jisse milkar mujhe har shaKHs bura lagta tha

us..ko fursat nahin milti ki palat kar dekhe ham hi deewane hain deewane bane rahte hain

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

lab-e-khayaal se us lab ka jo liya bosa to munh hi munh men ajab tarah ka mazaa aaya

sabhi inaam nit paate hain ai sheerin-dahan tujh se kabhu tu ek bose se hamaara munh bhi meetha kar

rakhe hai lazzat-e-bosa se mujh ko gar mahroom to apne tu bhi na honton talak zabaan pahuncha

mil ga.e the ek baar us ke jo mere lab se lab umr bhar honton pe apne main zabaan fera kiya