koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

hamaare baad tere ishq men naye ladke badan to choomenge zulfen nahin sanvaarenge

teri soorat se hai aalam men bahaaron ko sabaat teri aankhoñ ke siva duniya men rakha kya hai

nadeem pahle ishq ne haan yuñ sabq diya ki ham hamaare dil ki harkaton se hoshiyaar rahte hain

hamaara yakeen tha ki sacche hi ho tum magar tum bhi nikle zamaane ke jaise

yahaañ ab kaun dil ka kaayal hai bataa haan kuchh libaas hote to kuchh baat thii

mere watan ko in siyaasi logon ne hi kha liya khabar men ab khabar kahaan vahii do-chaar rahte hain

yaar teri cheez sab ham ne hata dii is nazar se fenk aaya vo gha dii bhi jo ki laai thii shahar se