tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

vaise to uskaa naam nahin haafeze men ab mumkin hai roobroo jo kabhi ho pukaar doon

laazim hai ab ki aap ziyaada udaas hon is shahar men bache hain bahut kam udaas log

KHvaahish hai in gulon ko davaami bahaar doon jitne ki.e hain ishq sukhun men utaar doon

in aankhoñ ka soonaapan ye kahtaa hai in aankhoñ ne un aankhoñ ko dekha hai

chalo maana ki rona masale ka hal nahin lekin kare bhi kya koi jab khatm har ummeed ho jaaye