koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai

isee jagah isee din to hua tha ye elaan andhere haar ga.e zindabaad hindostaan

tum bade achchhe vaqt par aa.e aaj ik zakham ki zaroorat thii

ik parinda abhii udaan men hai teer har shaKHs ki kamaan men hai

tum raah men chup-chaap khade ho to ga.e ho kis kis ko bataoge ki ghar kyun nahin jaate

mehsoos kar raha tha use apne aas paas apna khayal KHud hi badalna pada mujhe

mere pados men aise bhi log baste hain jo mujh men dhundh rahe hain buraiyaan apni

aaj ki raat bhi guzri hai mirii kal ki tarah haath aa.e na sitaare tire aanchal ki tarah