tum poochho aur main na bataaun aise to haalaat nahin ek zaraa sa dil toota hai aur to koi baat nahin

sabhi ka KHoon hai shaamil yahaañ ki miTTi men kisi ke baap ka hindustan thodii hai

nigaahen fer li ghabra ke maine vo tum se khoobsurat lag rahi thii

tumhaare naam ki har ladki se mila hooñ main tumhaara naam faqat tum pe achha lagta hai

main jab mar jaaun to meri alag pahchaan likh dena lahu se meri peshaani pe hindustan likh dena

zulm ke qisse sunaaye jab kabhi tafseer se KHoon dheere se utar aaya mirii tasveer se main zameen se yuñ lipt kar ro nahin saktaa faqat aasmaañ ne baandh rakkha hai mujhe zanjeer se

saazishein hazaar kar tu maut se lada mujhe ai mire aziz ek martaba haraa mujhe muskuraate din ke sukh se ab mujhe hai kya garz tu udaas shaam kii vo siskiyaan gina mujhe

nashe ke haal men jis roz mujh...ko ghar utaara tha jafaa-joo ne mire dil se KHuda ka dar utaara tha badaa maasoom lagta tha use ham dost kahte the mirii talwaar se jisne mira hi sar utaara tha

poochna haal dikhe jab bhi pareshaan hote thak gaya hai tira ye shahar farozaan hote

yuñ takht-gaah se rab ka tabaadla dekha isi bina pe farishton men fasla dekha