tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kya khabar kaun tha vo aur meraa kya lagta tha jisse milkar mujhe har shaKHs bura lagta tha

vo afsaana jise anjaam tak laana na ho mumkin use ik KHoob-soorat mod de kar chhodna achha

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

zulm ke qisse sunaaye jab kabhi tafseer se KHoon dheere se utar aaya mirii tasveer se main zameen se yuñ lipt kar ro nahin saktaa faqat aasmaañ ne baandh rakkha hai mujhe zanjeer se

yuñ takht-gaah se rab ka tabaadla dekha isi bina pe farishton men fasla dekha

ye ki meraa aasmaañ jo aa gaya nazar tumhein baarishen sikha rahi hain ik naya hunar tumhein

shahar to khaali pada hai yaar ab tu hi bataa aaj kiska dhyaan kheenchuun band kamron kii taraf

tu ne dozakh maanga tha main le aaya tujhko kya karna us se jo girvi hai