tum poochho aur main na bataaun aise to haalaat nahin ek zaraa sa dil toota hai aur to koi baat nahin

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

usne dekha mujh...ko to kun dii lagaani chhod dii phir mire hothon pe ik aadhi kahaanii chhod dii main chhu paa.e phir raha tha ishq apne gaav men aur phir zaalim ne gardan pe nishaani chhod dii

suhaagan bhi bataa degi magar tum poochho vidhwa se ye mangalsutra zever ke alaava bhi bahut kuchh hai ye kya ik maqbare ko aakhri had maan baithe ho mohabbat sang-e-marmar ke alaava bhi bahut kuchh hai

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

tujh se to dil ke paas mulaqaat ho gaii main KHud ko dhoondhne ke li.e dar-b-dar gaya

mat pooch ki ham zabt kii kis raah se guzare ye dekh ki tujh par koii ilzaam na aaya

ham anjuman men sab kii taraf dekhte rahe apni tarah se koii akela nahin mila

mirii rooh kii haqeeqat mire aañsuon se poochho mira majlisi tabassum mira tarjumaan nahin hai

titliyan udti hain aur un ko pakadne waale saii-e-naakaam men apnon se bichhad jaate hain