dua karo ki salaamat rahe mirii himmat ye ik charaaghh kaii aandhiyon pe bhari hai

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

tum mohabbat ko khel kahte ho ham ne barbaad zindagi kar li

bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

jo un pe guzarti hai kis ne use jaana hai apni hi museebat hai apna hi fasana hai

jo toofaanon men palte ja rahe hain vahii duniya badalte ja rahe hain

ya vo the KHafaa ham se ya ham hain KHafaa un se kal un ka zamaana tha aaj apna zamaana hai

ibtida vo thii ki jeena tha mohabbat men muhaal intiha ye hai ki ab marna bhi mushkil ho gaya

jahl-e-khird ne din ye dikhaaye ghat ga.e insaan badh ga.e saa.e