sochun to saari umr mohabbat men kat gaii dekhooñ to ek shaKHs bhi meraa nahin hua

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

chalti phirti hui aankhoñ se azaan dekhi hai main ne jannat to nahin dekhi hai maa dekhi hai

milnaa hamaara kam hua phir baat kam hui qiston men mujh gareeb ki khairaat kam hui

mujh ko is lafz ka matlab nahin maaloom magar aapki hamm ne mujhe soch men daala hua hai

aaj phir neend ko aankhoñ se bichhadte dekha aaj phir yaad koi chot puraani aayi

ha men bhi waqt ne patthar sifat banaa daala humeen the mom kii soorat pighalne waale log sitam to ye ki hamaari safoon men shaamil hain charaagh bujhte hi KHema badlne waale log

vo jo KHvaab the mere zehan men na main kah sakaa na main likh sakaa ki zabaan mili to kati hui jo qalam mila to bika hua

vo kisi ko yaad kar ke muskuraya tha udhar aur main naadaan ye samjha ki vo meraa hua

muddaton b'ad muyassar hua maa ka aanchal muddaton b'ad ha men neend suhaani aayi