koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye kya tilism hai kyun raat bhar siskata hooñ vo kaun hai jo diyon men jala raha hai mujhe

ye KHaamushi ka zahar nason men utar na jaa.e awaaz kii shikast gawara na kar abhii

Duniya pe apne ilm ki parchhaiyan na daal

ab ghar bhi nahin ghar kii tamannaa bhi nahin hai muddat hui socha tha ki ghar jaayenge ik din

bujhe labon pe hai boson ki raakh bikhri hui main is bahaar men ye raakh bhi uda dooñga