tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

use kisi se mohabbat thii aur vo main nahin tha ye baat mujhse zyaada use rulaati thii

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

saari duniya ko hai galat-fahmi mujh pe tu mehrbaan hai pyaare

dekha jo kha ke teer kameen-gaah ki taraf apne hi doston se mulaqaat ho gaii

mujhe to is khabar ne kho diya hai suna hai main kahii paaya gaya hooñ

mallaahon ko ilzaam na do tum saahil waale kya jaano ye toofaan kaun uthaata hai ye kashtii kaun dubota hai