tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

ye aur baat ki tujh se gilaa nahin karte wagarana apni nazar se chhupa to kuchh bhi nahin

is qadar KHud se banaa rakkhi hai doori maine KHud pahunchti nahin mujh tak hi sadaaein meri

hamaare aabaa-o-ajdaad se viraasat men zameen nahin na sahi par ha men kitaab mile

us ke haathon men qudrat ne aisi dii hai masihaai seene par vo haath rakhe to zakhm-e-dil bhar jaata hai

tum apni baat pe qaaim ho aakhri dam tak hatao chhodo ye khwaab-o-khayaal ki baatein