tu mohabbat se koi chaal to chal haar jaane ka hausla hai mujhe

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

mujh ko is lafz ka matlab nahin maaloom magar aapki hamm ne mujhe soch men daala hua hai

do jahaan kii zindagi jeekar chale hain do ghadi marte-marte phir mujhe kuchh aur marne deejie

manzilon ka kaun jaane rahguzar achchhii nahin uski aañkhen khoobsurat hai nazar achchhii nahin

is ran men jay aur paraajay meri hai tu gaandeev utha kar hamla aage badh

rote bacche pooch rahe hain mummy se kitna paani aur milaaya jaayega

aaina rakh saamne aur ye bataa kyuuñ nahin dikhta tujhe main aajkal

mere bheetar nahin likhne ki tardpan hai tardpan isliye main likh raha hooñ

sambhalne ke li.e kar li muhabbat magar is men fisalna chahiye tha